ИНТИХОБИ МО - ИНТИХОБИ НОМЗАДИ АРЗАНДАИ ҲХДТ

ХУРОСОН. Дар доираи Соли шинохти бештари манфиатҳои миллӣ.  Гурӯҳи таблиғотиву ташвиқотии назди Кумитаи иҷроияи ҲХДТ дар ноҳияи Хуросон оид ба таблиғу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Эмомалӣ Раҳмон дар деҳаю маҳаллаҳои ҳудуди Ҷамоатҳои шаҳраку деҳот мулоқоту вохӯриҳоро  баргузор  карда  истодаанд.

Чунин  вохӯрии судманд дар деҳаҳои  Меҳнатобод- 2 ва  Ғаллаобод  бо интихобкунандагон баргузор гардид.

Дар вохӯрии мазкур раисони маҳаллаҳо, вакилони Маҷлиси вакилони халқи ноҳия ва Ҷамоат иштирок ва суханронӣ намуданд.

Дар охири вохӯрӣ аз ҷониби иштирокчиён изҳори миннатдорӣ  ба Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон баён гардида, иброз доштанд, ки рӯзи 11октябри соли равон ҳама якҷоя дар интихоботи Президенти Ҷумҳурии Тоҷикистон иштирок намуда, ба ҷонибдории номзад аз Ҳизби Халқии Демократии Тоҷикистон муҳтарам Эмомалӣ Раҳмон овоз медиҳанд.