ХОВАЛИНГ. Дар доираи Соли шинохти бештари манфиатҳои миллӣ.
Корманди Кумитаи иҷроияи ҲХДТ дар ноҳияи Ховалинг мудири шуъбаи кор бо ҷавонон ва занони Кумитаи иҷроияи ҲХДТ дар ноҳия Исфандиёр Саидмаҳмудов дар муассисаи таҳсилоти миёнаи умумии №5 -и Ҷамоати деҳоти ба номи Ғаффор Мирзо бо хонандагони синфҳои болоӣ дар мавзӯҳои “Овози ман ҳалкунанда мебошад ” ва “ Хизмат дар сафи Артиши миллӣ шараф аст” вохӯрӣ баргузор намуд.
Дар мулоқот мавсуф ба хонандагон оид ба муҳтавои Барномаи пешазинтихоботии номзад ба мансаби Президенти Ҷумҳурии Тоҷикистон аз ҲХДТ Эмомалӣ Раҳмон ва чи будани хизмати ҷавонон дар сафи Қувваҳои мусалаҳи кишвар суханронӣ намуда, таъкид кард, ки ҷавонони синни даъватиро зарур аст, ки аз шароитҳои хуби хизмат дар сафи Артиши миллӣ истифода бурда, барои ҳифзи марзу буми Ватан ихтиёран ба хизмати Ватан-Модар рафта, қарзи фарзандии хешро адо намоянд.
