ДӮСТӢ. Тибқи нақшаи баргузории чорабиниву вохӯриҳо дар ноҳияи Дӯстӣ намояндагони Кумитаи иҷроияи ҲХДТ дар вилояти Хатлон Ҳусейн Саидов ва Фароғат Назарова бо аҳолии ҷамоати деҳоти Ҷиликӯли ноҳияи Дӯстӣ вохӯрӣ доир намуданд.
Масъулин сараввал оид ба мулоқоти Асосугузори сулҳу ваҳдати миллӣ, Пешвои миллат муҳтарам Эмомалӣ Раҳмон, ки бо зиёиёни ҷомеа баргузор гардид, иқтибосҳо оварда, сокинонро ёдрас карданд, ки моро мебояд дар чунин шароити созгору осуда ҳамеша дар пайи ободию осудагии рӯзгори хеш ва Ватани маҳбубамон ҳамеша содиқу саҳмгузор бошем.
Инчунин, қайд намуданд, ки мо ҳамватанони азизу арҷмандро зарур аст, сиёсати некбинонаи Пешвои миллатро ҷонибдорӣ намоем ва баҳри боз ҳам ободу пешрафта гаштани Тоҷикистони азизамон хизмати арзанда намоем.
