ҲАМАДОНӢ. Дар доираи Соли шинохти бештари манфиатҳои миллӣ. Гурӯҳи таблиғотии Ситоди пешазинтихоботии Кумитаи иҷроияи ҲХДТ дар ноҳияи Ҳамадонӣ бо интихобкунандагони деҳаи Янгиюли Ҷамоати деҳоти Чубек бо усули “хона ба хона” оид ба тарғиби интихоботи Президенти Ҷумҳурии Тоҷикистон ва номзади арзанда муҳтарам Эмомалӣ Раҳмон аз ҲХДТ суҳбат доир намуданд.
Зимни вохӯрӣ мудири шуъбаи таблиғот, иттилооти Кумитаи иҷроия Сайдалиев Гадоӣ дар бораи дастоварду пешравиҳо, ки маҳсули заҳмати софдилонаи халқи азизи Тоҷикистон мебошад, бо шарофати сиёсати хирадмандонаву дурандешонаи Пешвои миллат, Президенти кишвар муҳтарам Эмомалӣ Раҳмон ба даст омадаанд, суханронӣ карда, гуфт, ки
бо талошҳои созандаи Ҳукумат ва мардуми кишвар ду агрегати НБО-и Роғун ба истеҳсоли неруи барқ шуруъ намуда, маҳдудияти интиқоли барқ дар фасли замистон бартараф гардид.
Инчунин, дигар баромадкунандагони низ вобаста ба масъалаҳои мазкур андешаҳои хешро баён дошта, аз иштирокчиёни ҷиҳати дар сатҳи баланди сиёсь баргузор гардидани маъракаи муҳими сиёсӣ-интихоботи Президенти Ҷумҳурии Тоҷикистон даъват ба амал оварданд.
