ҚУБОДИЁН. Дар доираи Соли шинохти бештари манфиатҳои миллӣ. Ҷиҳати шарҳу тавзеҳи Барномаи пешазинтихоботии номзад ба мансаби Президенти Ҷумҳурии Тоҷикистон аз ҲХДТ муҳтарам Эмомали Раҳмон ва Аксияи ҳизбӣ таҳти унвони “Президенти ман интихоби ман” дар участкаҳои интихоботии № 8 вохӯрӣ баргузор гардид.
Мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Қубодиён Ҷумаев Алиҷон иброз дошт, ки Барномаи пешазинтихоботии ҲХДТ аз ҳадафҳои асосии барномавии ҳизб сарчашма гирифта, вазифаи ҳар як узви ҳизбро ҷиҳати рушди иқтисодиёт ва беҳбудии ҳаёти иҷтимоӣ, сиёсӣ ва фарҳангии кишвар муайян менамояд.
Таъкид шуд, ки татбиқи дастуру ҳидоятҳои Раиси муаззами ҲХДТ ба манфиати ҳар як сокини кишвар буда, дар таъмини зиндагии босаодат ва пешрафту ободии Ватан мусоидат менамояд.
