ЁВОН. Дар доираи Соли шинохти бештари манфиатҳои миллӣ. Ҷавонон ҳамчун нерӯи пешбарандаи ҷомеа дар ҳама давру замон пешкору пешоҳанги ҷомеа буданду ҳастанд.
Бо мақсади иштироки фаъолонаи қишри ҷавони ноҳияи Ёвон дар маъракаи интихоботи Президенти Ҷумҳурии Тоҷикистон дар толори Кумитаи иҷроияи ҲХДТ дар ноҳия ҳамоиш таҳти унвони “Ҷавонон ва ҳувияти миллӣ” баргузор гардид, ки дар кори он ҷавонони фаъоли ташкилоту муассисаҳо ва донишҷӯён ширкати фаъолона доштанд.
Интихобот иродаи халқ буда, иштироки ҳар як фарди ҷамеа, хосса ҷавонони саодатманди диёраш вазифаи аввалиндараҷа дорад. Ҷавонон дар рафти ҳамоиш иброз доштанд, ки онҳо аллакай Президенти хешро дар симои Пешвои миллат муҳтарам Эмомалӣ Раҳмон интихоб намудаанд.
