ҲАМАДОНӢ. Дар доираи Соли шинохти бештари манфиатҳои миллӣ. Гурӯҳи таблиғотии Кумитаи иҷрояи ҲХДТ дар ноҳия Мир Сайид Алии Ҳамадонӣ бо кишоварзони деҳаи Тоҷистони Ҷамоати деҳоти Панҷоб оид ба интихоботи Президенти Ҷумҳурии Тоҷикистон ва номзади ба мансаби Президенти Ҷумҳурии Тоҷикистон аз ҲХДТ пешбарӣ гардидани Пешвои миллат муҳтарам Эмомалӣ Раҳмон вохӯрӣ баргузор карданд.
Зимни баромад мудири шуъбаи таблиғот, иттилооти Кумитаи иҷроияи ноҳиявии ҳизб Гадоӣ Сайдалиев оид ба дастовардҳои замони соҳибистиқлолӣ, бахусус аз соли 2013-2020 суханронӣ намуда, қайд кард, ки пешрафти босуботи мамлакат, пеш аз ҳама дар натиҷаи татбиқи ҳуҷҷатҳои қабулгардидаи афзалиятнок аз ҷумла “Стратегияи миллии рушд барои давраи то соли 2015”, Стратегияи баланд бардоштани сатҳи некуаҳволии мардуми Тоҷикистон барои солҳои 2013-2015 Барномаи миёнамуҳлати рушди Ҷумҳурии Тоҷикистон барои солҳои 2016-2020 стратегияи идоракунии молиявии давлатӣ барои солҳои 2009-2018 ва дигар барномаҳои давлатӣ таъмин гардид.
