ҲАМАДОНӢ. Дар доираи Соли шинохти бештари манфиатҳои миллӣ. Гурӯҳи таблиғотии Кумитаи иҷроияи ҲХДТ дар ноҳияи Мир Сайид Алии Ҳамадонӣ таҳти роҳбарии раиси Кумитаи иҷроияи ҲХДТ дар ноҳия Давлатҷон Ғаффорзода бо сокинони деҳаи С. Гадоии Ҷамоати деҳоти Панҷрӯд оид ба интихоботи Президенти Ҷумҳурии Тоҷикистон ва таблиғу ташвиқи номзади арзандаи ҲХДТ муҳтарам Эмомалӣ Раҳмон вохӯрӣ гузарониданд.
Раиси Кумитаи иҷроияи ноҳия Давлатҷон Ғаффорзода дар бораи дастовардҳои даврони соҳибистиқлолӣ, бахусус аз соли 2013 то 2020 суханронӣ карда, қайд намуд, ки маҳз бо шарофати сиёсати хирадмандонаи Пешвои миллат ҳадафҳои стратегии давлату Ҳукумати Тоҷикистон ҳаллу фасл гардида истодаанд. Барои боз ҳам беҳтару хубтар гардидани зиндагии мардум ҳадафи чоруми стратеги “Саноатикунонии босуръати кишвар” эълон гардид. Барномаи пешазинтихоботии номзад аз ҲХДТ баҳри таъмини зиндагии шоистаи мардум нигаронида шуда, дурнамои ояндаи босаодат, ободиву созандагӣ ва хушбахтии мардуми тоҷик аст.
