Н.ХУСРАВ. Дар доираи Соли шинохти бештари манфиатҳои миллӣ. Аъзои гурӯҳи таблиғотии назди Кумитаи иҷроияи ҲХДТ дар ноҳияи Носири Хусрав дар деҳаҳои Тулаганов ва Фирӯзаи Ҷамоати деҳоти Фирӯза бо усули «хона ба хона» бо фарогирии интихобкунандагон суҳбату вохӯриҳо оид ба интихоботи Президенти Ҷумҳурии Тоҷикистон баргузор намуданд. Аъзои гурӯҳи тарғиботӣ ба интихобкунандагон иттиллоъ доданд, ки интихобот раванди сиёсиест, ки баҳри такмили фаъолияти қувваҳои сиёсӣ, ба ҳам омадани онҳо, инчунин муборизаи осоиштаи байни онҳо, майдони мусоидро фароҳам оварда, иқтидори сиёсӣ, маҳорати ташкилотчигию корбарии қувваҳои сиёсиро муайян намуда , онҳоро барои таъмини рушди минбаъдаи ҷомеа муваззаф менамояд. Иштирок дар интихобот ҷузъи таркибии ҳуқуқи конститутсионии шахс аст.
Ҳамоҳангсози гурӯҳи таблиғотӣ раиси Кумитаи иҷроияи ҲХДТ дар ноҳия Ализода Сураё оид ба Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмон андешаронӣӣ карда, қайд намуд, ки Пешвои миллат бо ташаббускориҳои наҷиби худ дар сатҳи оливу ҷаҳонӣ ибрати шахсӣ ва иродаву нерӯмандии худ намуна мебошад. Чунон, ки огоҳ ҳастем номзад аз ҲХДТ Раиси муаззими ҳизб муҳтарам Эмомалӣ Раҳмон мебошад. Ҳамчунин, мавсуф ба сокинон дар бораи пешгирӣ аз сироятёбии коронавирус, риояи гигиенаи фардӣ, безарурат набаромадан аз хона, ҳамчунин истифодаи самараноки заминҳои наздиҳавлигию хоҷагӣ, ҷамъоварии зироатҳои кишоварзӣ, роҳандозӣ намудани корҳои ободонию созандагӣ тавсияҳо дод.
