ПАНҶ. Дар доираи Соли шинохти бештари манфиатҳои миллӣ. Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Панҷ дар ташкилоти ибтидоии «Шоҳмонт -1» ҷиҳати пешгирии паҳншавии бемории сироятии навъи "COVID-19" дар маҳаллаҳо ва кӯчаву роҳравҳо корҳои фаҳмонидадиҳиро ба роҳ монда, оид ба риояи қоидаҳои ҳатмии беҳдоштӣ, алалхусус риоя кардани масофаи байниҳамдигарӣ, тез-тез шустани дастон бо собун, пӯшидани ниқоби тиббӣ, бе зарурат набаромадан аз хона ба шаҳрвандон фаҳмонида шуда, ба онҳо маслиҳату тавсияҳои мушаххас доданд, ки ба таҳлука наафтанд ва инчунин, аз ҷониби масъулини ҳизб ба сокинони маҳалла ниқобҳои тиббӣ ва варақаҳои иттилоотӣ дастрас карда шуд.
