ХУРОСОН. Дар доираи Соли шинохти бештари манфиатҳои миллӣ. Имрӯзҳо дар тамоми воситаҳои ахбори омма барои пешгирӣ аз коронавирус маслиҳату пешниҳодҳо ба шаҳрвандон дода мешавад, ки ҳар як шахс метавонад аз ин маслиҳату тавсияҳои судманд истифода баранд ва худро аз ҳамагуна бемориҳои сироятӣ эмин нигоҳ доранд.
Вобаста ба ин мавзӯъ намояндагони Кумитаи иҷроияи Ҳизби Халқии Демократии Тоҷикистон вохӯриҳоро бо усули “хона ба хона” дар деҳаи Шар-Шар баргузор карда, ба сокинон роҳҳои пешгирии ин бемории сироятии ҳамагирро ба таври муфассал фаҳмониданд. Инчунин, дар баробари бурдани корҳои тарғиботӣ ба онҳо маводҳои тарғиботӣ, ниқобҳои тиббӣ ва маҳлулҳои антисептикиро дастрас карданд.
