ХОВАЛИНГ. Дар доираи Соли шинохти бештари манфиатҳои миллӣ.
Аъзои гурӯҳи таблиғотӣ аз Кумитаи иҷроияи ҲХДТ дар ноҳияи Ховалинг дар асоси Аксияи таблиғотии “хона ба хона” бо сокинони маҳаллаи Обшорони маркази ноҳия вохӯрда, ба онҳо дар бораи дастуру ҳидоятҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон оид ба истифодаи самараноки замин ва аз он рӯёнидани ду ва зиёда ҳосил суҳбат намуданд.
Аъзои гурӯҳи таблиғотӣ дар ин рӯз тавонистанд, ки аз ҳавлии зиёда аз 68 нафар бошандагони кӯча дидан намуда, ба соҳибони онҳо оид ба захираи маводи озуқаворӣ барои тирамоҳ ва зимистони солҳои 2020 - 2021 аз ҳисоби заминҳои дарихтиёрдоштаашон тавсияҳои судманд доданд.
