Ҷ.БАЛХӢ. Дар доираи Соли шинохти бештари манфиатҳои миллӣ. Дирӯз кормандони Кумитаи иҷроияи ҲХДТ дар ноҳияи Ҷалолиддини Балхӣ бо мақсади пешгирӣ аз мавҷи дуюми бемории коронавирус ва самаранок истифода намудани заминҳои корам дар Ҷамоати деҳоти Ҳалевард суҳбат доир намуданд.
Дар суҳбат масъулин оид ба бемории сироятии коронавирус ва роҳҳои пешгирии он иброз доштанд, ки бо истифода аз поккунандаҳои қавӣ дасту рӯятонро покиза бишӯед. Ҳолати беҳдоштии дастон ин чораи басо муҳими пешгирикунандаи зуком ва сироятёбии коронавирус мебошад. Агар шумо имкони бо собун шустани дастонатонро надоред, аз дастмолҳои спиртдор ва ё тамизкунанда истифода баред. Ҳамеша тоза кардани миз, лавозимоти корӣ, дастаҳои дар, курсиҳо ва ғайра вирусро нобуд месозад.
