ЛЕВАКАНТ. Дар доираи Соли шинохти бештари манфиатҳои миллӣ. Бо ибтикори Кумитаи иҷроияи Ҳизби Халқии Демократии Тоҷикистон дар шаҳри Левакант, гурӯҳҳои таблиғотӣ дар деҳаҳои Ҷамоатҳо ва биноҳои баландошёнаи маркази шаҳр Аксияи тарғиботӣ бо усули “хона ба хона” ва рӯ ба рӯ ҳамарӯза доир карда мешавад.
Мақсад аз баргузории ин Аксия пешгирӣ ва огоҳонидани шаҳрвандон аз паҳншавии мавҷи дуюми коронавируси навъи COVID–19 буда, аз ҷониби масъулин ба аҳолӣ варақаҳои таблиғотӣ ва ниқобҳои муҳофизатӣ дастрас карда мешавад.
Ин навбат гурӯҳҳои таблиғотии назди Кумитаи иҷроияи ҳизбии шаҳрӣ дар маркази шаҳр ва маҳаллаи Обшорон бо мақсади ба дарки сокинон расонидани моҳияти дастуру супоришҳои Пешвои миллат, Раиси муаззами ҲХДТ муҳтарам Эмомалӣ Раҳмон вобаста ба вазъи ноустувори ҷаҳони муосир дар шароити афзоиш ёфтани бемориҳои сироятӣ, ҷиҳати истифодаи самараноки ҳар қитъа заминҳои наздиҳавлигӣ ва захира намудани маводи ғизоӣ, инчунин даъвати ҷавонон ба сафи хизмати ҳарбӣ ибрози ақида намуданд.
