НОРАК. Дар доираи Соли шинохти бештари манфиатҳои миллӣ.
Кормандони масъули Кумитаи иҷроияи Ҳизби Халқии Демократии Тоҷикистон дар шаҳри Норак дар маҳаллаи Сари бораи минтақаи манзилии №2-и шаҳри Норак бо усули “хона ба хона” оид ба истифодаи самараноки заминҳои бекорхобидаи наздиҳавлигӣ ва инчунин, оид ба пешгирӣ намудан аз бемориҳои сироятӣ, аз ҷумла СOVID-19 суҳбату вохӯриҳо баргузор намуда истодаанд.
Дар рафти вохӯриҳо сокинони шаҳр аз ин иқдоми пешгирифтаи Пешвои миллат муҳтарам Эмомалӣ Раҳмон миннатдорӣ баён намуда, қайд карданд, ки онҳо заминҳои наздиҳавлигии худро самаранок истифода мебаранд ва барои таъмини амнияти озуқавории давлату буҷаи оилаашон саҳмгузорӣ менамоянд.
