Н.ХУСРАВ. Дар доираи Соли шинохти бештари манфиатҳои миллӣ. Тибқи ҷадвали тасдиқгардида дар Кохи фарҳанг Коференсияи 13-уми Ҳизби Халқии Демократии Тоҷикистон дар ноҳияи Носири Хусрав баргузор гардид. Дар кори Конференсия намояндагони Кумитаи Иҷроияи Марказии ҲХДТ Илҳомҷон Ҳомидиён , сармутахассиси шуъбаи кор бо ҷавонони Кумитаи иҷроияи ҲХДТ дар вилояти Хатлон, Асроров Саидшоҳ ва беш аз 45 нафар вакилон аз ташкилотҳои ибтидоии ҲХДТ, вакилони Маҷлиси вакилони халқи ноҳия, роҳбарони ташкилоту муассисаҳо, директорони муассисаҳои таълимӣ , кормандони воситаҳои ахбори омма дар маҷмӯъ зиёда аз 120 нафар иштирок намуданд.
Дар Конференсияи ноҳиявӣ раиси Кумитаи иҷроияи ҲХДТ дар ноҳияи Носири Хусрав Ализода Сураё Ҷӯра оид ба омодагии сохторҳои ҳизбӣ ва гурӯҳи вакилии ҳизбӣ дар Маҷлиси вакилони халқи ноҳияи Носири Хусрав ба интихоботи Президенти Ҷумҳурии Тоҷикистон гузориш дод. Дар идомаи кори Конференсия бо пешниҳод ва ҷонибдории вакилон ҳайати нави Кумитаи иҷроияи ҲХДТ дар ноҳия ва вакилон барои иштирок дар кори Конференсияи 13-уми ҲХДТ дар вилояти Хатлон интихоб шуданд.
Ҳамзамон, корманди КИМ ҲХДТ Илҳомҷон Ҳомидиён ва сармутахассиси шуъбаи кор бо ҷавонони Кумитаи иҷроияи вилоятии ҲХДТ Асроров Саидшоҳ, ба сухан баромада, фаъолияти аъзо ва ташкилотҳои ибтидоии ҳизбии ноҳияро таҳлил намуда, даъват бар он карданд, ки ҳизбиён дар иҷрои талаботҳои Оиннома ва Барномаҳои ҳизбӣ ва дастуру ҳидоятҳои Раиси муаззами ҳизб ҷиҳати омодагиҳо ва дар сатҳи баланди ташкилу баргузор намудани маъракаҳои муҳими сиёсии дарпеш истода- интихоботи Президенти Ҷумҳурии Тоҷикистон бештару беҳтар масъулиятшинос бошем.
