ФАРХОР. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Фархор оид ба пешгирии паҳншавии бемории коронавируси COVID-19 ва самаранок истифодабарии заминҳои наздиҳавлигӣ, хоҷагиҳои деҳқонӣ ва заминҳои президентӣ дар доираи Аксияи ҳизбӣ бо усули «хона ба хона» дар ҳудуди Ҷамоати шаҳраки Фархор гардиш доир намуданд.
Кормандони ҳизбӣ маводҳои таблиғотӣ оид ба пешгирии коронавирус, истифодаи самараноки заминҳои наздиҳавлигӣ, маводҳои безараргардонӣ ва ниқобҳои муҳофизатиро ба сокинон тақсим намуда, иброз доштанд, ки бо истифода аз маҳлулҳои антисептикӣ ва ниқобҳои тиббӣ худ ва наздиконатонро аз ҳамагуна бемориҳои сироятӣ муҳофизат намоед ва бо заҳмату меҳнати софдилона дар таъмини амнияти озуқаворӣ саҳмгузор бошед.
