ҶАЙҲУН. Дар доираи Соли шинохти бештари манфиатҳои миллӣ. Бо иштироки масъулини Кумитаи иҷроияи ҲХДТ дар ноҳияи Ҷайҳун дар ташкилоти ибтидоии “Беморхонаи сил” хониши сиёсӣ баргузор гардид. Дар рафти чорабинии ҳизбӣ вобаста ба пешгирии бемории сироятии коронавирус, рафти коргузорӣ, муқоисакунонии аъзои ХХДТ, обунашавӣ ба ҳафтаномаҳои ҳизбии “Ҳамрози халқ” ва “Минбари халқ” пешбарии вакил ба Конфренсияи ҳизбӣ ва дигар масъалаҳои дохилиҳизбӣ баррасӣ карда шуданд.
Зимни маҷлис масъулин атрофи самтҳои афзалиятноки фаъолияти ҲХДТ, аз ҷумла пешгирӣ аз паҳншавии бемории сироятии коронавирус, вусъат бахшидани корҳои ташкилӣ вобаста ба зиёд намудани аъзои ҳизб муфассал суханронӣ намуда, қайд карданд, ки маъракаи обунашавиро ба ҳафтаномаҳои ҳизбӣ аз рӯи масъулияти шаҳрвандӣ роҳандозӣ созанд. Ҳамчунин, дар рафти суҳбат масъулин иброз доштанд, ки санаи 11 октябри соли ҷорӣ дар Маҷлиси якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон интихоботи Президенти Ҷумҳурии Тоҷикистон муайян карда шуд. Иштирок дар интихобот бошад ихтиёрист ва ҳар нафар як овоз дорад. Шаҳрвандони Ҷумҳурии Тоҷикистон, ки ба синни 18 расидаанд, новобаста аз ҷинс, миллат, нажод, забон, эътиқоди динӣ, мавқеи сиёсӣ, таҳсил, вазъи иҷтимоӣ ва молу мулк дар интихобот ҳуқуқи иштирок карданро доранд.
Сипас, дар фарҷом бошад аз ташкилоти ибтидоии болозикр як нафар вакил ба Конфренсияи ҳизбӣ аз ҷониби аъзо интихоб гардида, пешбарӣ карда шуданд.
