ВАХШ. Дар доираи Соли шинохти бештари манфиатҳои миллӣ. Дирӯз дар ташкилоти ибтидоии ҳизбии Абӯалӣ Синои Ҷамоати деҳоти Ваҳдат бо иштироки масъулини Кумитаи иҷроияи ҲХДТ дар ноҳияи Вахш бо усули «хона ба хона» бо сокинон доир ба риояи қоидаҳои муҳофизатӣ аз бемории сироятии коронавирус суҳбату вохӯрии таъсирбахш доир гардид.
Масъулин ҳангоми вохӯриҳо ба иштирокчиён дар бораи роҳҳои гузариши бемории коронавирус, яъне (COVID-19) ва роҳҳои пешгирӣ аз он маълумоти муфассал дода, таъкид карданд, ки ба риояи гигиенаи шахсӣ диққати асосӣ диҳанд ва қоидаҳои тозагии хонаву лавозимоти рӯзгордориро риоя намоянд. Дар охир ба сокинон маводҳои таблиғотӣ ва ниқобҳои тиббӣ тақсим карда шуд.
