КӮЛОБ. Дар доираи Соли шинохти бештари манфиатҳои миллӣ. Дар ташкилоти ибтидоии "Беморхонаи ғадудҳои даруна" вохӯрӣ бо аъзо ва ҷонибдорони ҲХДТ доир ба самтҳои афзалиятноки фаъолияти ҳизбӣ баргузор гардид.
Дар мулоқот масъулин қайд намуданд, ки масъалаи терроризм ва экстремизм, шомил шудани ҷавонон ба гурӯҳҳои ифротию иртиҷоӣ имрӯз натанҳо Ҳукумати Ҷумҳурии Тоҷикистонро ба ташвиш овардааст, балки ин масъала мушкилоти тамоми ҷомеаи ҷаҳонӣ ба ҳисоб меравад. Аз ин рӯ вазифаи ҳар як шаҳрванд аз он иборат мебошад, ки новобаста аз вазъи иҷтимоӣ ва мансаби ишғолнамудааш дар бедор сохтани тафаккури мардум, махсусан ҷавонон нисбати ин хатарҳо ва зуҳуроти номатлуб, ки яке аз мушкилоти асосӣ мебошад, бетарафӣ зоҳир накунанд.
