ДӮСТӢ. Дар доираи Соли шинохти бештари манфиатҳои миллӣ. Бахшида ба эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ » бо иқдоми пешгирифтаи Кумитаи иҷроияи Ҳизби Халқии Демократии Тоҷикистон дар вилояти Хатлон Аксияи ҳизбӣ таҳти унвони «Сайри Ватан мекунем!» гурӯҳи вакилони Маҷлиси вакилони халқи ноҳияи Дӯстӣ ба шаҳри Душанбе ба сайёҳат рафтанд. Вакилон дар ин рӯз аз мавзеҳои сайёҳӣ ва фарҳангиву фароғатии шаҳри Душанбе дидан карда, ба худ ғизои маънавӣ гирифта, бори дигар аз пешрафту шукуфоии Ватан огоҳии бештар пайдо карда, миннатдории хешро ба Раиси муаззами ҲХДТ муҳтарам Эмомалӣ Раҳмон изҳор доштанд.
