ПАНҶ. Дар доираи Соли шинохти бештари манфиатҳои миллӣ. Бо ташаббуси масъулини Кумитаи иҷроияи Ҳизби Халқии Демократии Тоҷикистон дар ноҳияи Панҷ дар маҳаллаи Фирдавсӣ мулоқоти судманд баргузор гардид. Зимни вохӯрӣ аз ҷониби масъулин корҳои фаҳмондадиҳӣ оид ба пешгирии паҳншавии бемории сироятии коронавирус COVID-19 ва самаранок истифода бурдани заминҳои наздиҳавлигӣ гузаронида, инчунин барои таъмири ҳоҷатхонаи муассисаи таҳсилоти миёнаи умумии №1 аз ҷониби фаъолони ҳизб 4 адад қутии ранг барои таъмир кумак расонида шуд. Дар охир ба иштирокчиён ниқобҳои тиббӣ ва варақаҳои иттилоотӣ дастрас гардид.
