А.ҶОМӢ. Дар доираи Соли шинохти бештари манфиатҳои миллӣ. Гурӯҳи кории Кумитаи иҷроияи ҲХДТ дар ноҳияи Абдураҳмони Ҷомӣ дар асоси дастуру супоришҳои мақомотҳои болоии ҳизбӣ ҳамарӯза бо кору фаъолият, ҳолати коргузорию ҳуҷҷатнигорӣ, ҳолати пардохти аъзоҳаққӣ, раванди зиёд намудани ҳайати сифатии аъзои ҳизб дар ташкилотҳои ибтидоии ҳизбӣ шинос гардида, муқоисакунии аъзои ҳизбро ба роҳ мемонанд. Бо ин мақсад гурӯҳи корӣ дар ташкилоти ибтидоии ҳизбии “Дармонбахш”-и назди шабакаҳои кумаки аввалияи тиббию санитарии ноҳия, “Садоқат”-и назди ташкилоти Ҷамъиятии мададгори мудофиа ва “Алоқачиён” ва Департаменти почта мулоқоту вохӯриҳо доир намуда, ҳолати корҳои ҳизбӣ ва ҳуҷҷатгузориро мавриди санҷиш қарор дода, дар ин ташкилотҳои ҳизбӣ муқоисакунии аъзои ҳизбро ба роҳ монданд. Вобаста ба камбудию норасоиҳо дар самти фаъолияти корҳои ҳизбӣ санадҳо тартиб дода, ба масъулини ташкилотҳои ибтидоии ҳизбӣ барои ислоҳи камбудиҳо дастуру супоришҳои мушаххас доданд.
