ВОКУНИШ. Пеш аз он ки нигоштаҳои устодони бузурги соҳаи илмро мутолиа намоям, як чанд мақолаҳое навиштаам, ки дар онҳо ҳамчун як зан-духтари тоҷик ба тоҷик гуфтани он афроди хоини виҷдонфурӯхта (Кабирӣ, Салимпур, Аюбзод, Истаравшанӣ, Варқӣ, Муҳаммадиқбол) забонам нагаштааст, вале ба гуфтаи устодон мо барои тоҷик нагуфтани онҳо далел надорем. Чӣ илоҷ дар тиннати ҲНИ чиҳо ҳувияти баланди тоҷикона, нангу номус, виҷдону имони инсонӣ инкишоф наёфтаасту дар ин лаҳзаҳое, ки барои давлату миллати мо чун тамоми давлатҳои олам давраи ҳассос аст, аз дур истодаву каф мекӯбанд.
Онҳо дину виҷдони худро ба бегонагон фурӯхтаву барои молу сарвати касиф шуда, ниёгони худ, тоҷик будани худро дар хотир надоранд, чунон ҳарф мезананд, ки кас тасаввур мекунад, ки ҳатто дар ягон рагу пайвандашон хуни тоҷикӣ ҷорӣ нашудааст, он хоинон ва ҳамчунин хабарнигорони радиои озодӣ, ки онҳо низ бо забони тоҷикӣ миёни мардум иғвоангезӣ мекунанд, миёни фитнаҳояшон ғарқ шудаанду аз марги худ низ бехабар мондаанд, фаромӯш кардаанд, ки барои гузаштагони миллати тоҷик ҳатто марг дар Ватани аҷдодиву дар хоки Ватан дафн шудан шарафи бузург буд, аммо боварӣ дорам, ки бо чунин дассисабозиҳо ҳатто хоки Ватан шуморо дар худ ҷой намедиҳад.
Имрӯзҳо, ҳамагон шоҳиди он ҳастем, ки сокинони мамлакат дигар он роҳгумзадаҳои солҳои навадум нестанд, мардум хуб огаҳанд, ки мақсади Кабирию ҳаммаслаконаш танҳо манфиатҷӯйи ҳаст, ман ки миёни аҳолӣ бештар мебошам, ҳар рӯз борҳо мешунавам, ки мегӯянд “аз ин дида рӯзҳои бадро гузаронидаем, Худо ба Перезиденти мамлакат ва табибон нерӯ диҳад, фақат сулҳу оромӣ бошад ин беморӣ ҳам паси сар мешавад”. Яъне, мардуми оддӣ ҳам фикр мекунанд, ки аз коронавирус дида, ҲНИ зарари бисёртар расонидан мехоҳад. Тоҷикон ва тоҷикистониён аз имтиҳонҳои сахти тақдир гузаштааст ва умед ба он дорем, ки Худо ба мардуми сарбаланди тоҷик неру ва ору номуси бегазанди тоҷиконаро насиб мегардонад, ки мисли ҳамеша паҳлӯи Пешвои муаззами миллат муттаҳид гарданду ҳам ба коронавирус ва ҳам ба ҲНИ, ки аз коронавирус дида бешууртаранд ғолиб биёем.
Фарзона Темурова, аъзои мањфили волонтёрї дар ноњияи Ёвон
