ХОВАЛИНГ. Дар доираи Соли шинохти бештари манфиатҳои миллӣ. Пешвои миллат, Президенти Ҷумҳурии Тоҷикистон, Раиси муаззами Ҳизби Халқиии Демократии Тоҷикистон муҳтарам Эмомалӣ Раҳмон аз рӯзҳои аввали ба сари ҳокимият омаданашон сиёсати ятимпарварона ва инсондӯстонаро пеша намуда, ҳамагонро барои дастгирии ятимон, барҷомондагон, шахсони яккаву танҳо ва дигар шахсони ниёзманд , иҷрои дигар корҳои хайру савоб, аз ҷумла сохтмони роҳу пул, мактабу беморхона, бинои муассаисаҳои хизматрасонӣ ва ғайраҳо даъват ва ҳидоят менамоянд. Дар ҳақиқат он амалҳои хайрхоҳонае, ки Пешвои миллат ба иҷро мерасонанд, намунаи ибрат ва боиси дастгирӣ мебошад.
Баъди ҳар амали хайре, ки аз ҷониби Пешвои миллат ва дар асоси ҳидоятҳояшон аз ҷониби соҳибкорон, вакилони мардумӣ ва дигар шахсони хайрандеш ба аҷом расонида мешавад, ҳисси қаноатмандӣ ва эҳтироми мардумро ба Президенти кишвар муҳтарам Эмомалӣ Раҳмон бештар мегардонад. Ҳамин ҳисси эҳтиром нисбат ба Роҳбари давлат ва дастгирии сиёсати инсондӯстона, созанда ва бунёдкоронаашон аст, ки бо ҳидоятҳояшон соҳибкорони муваффақ даст ба корҳои хайру савоб мезананд. Чунин дастгирии сиёсати инсондӯстонаи Президенти Ҷумҳурии Тоҷикистон муҳтарам Эмомалӣ Раҳмонро имрӯз дар ҳама шаҳру ноҳияҳо мушоҳида намудан мумкин аст.
Боиси қаноатмандист, ки маҳз дар асоси ҳамин сиёсати ободкоронаи Пешвои миллат бо дастгирии фарзандони диёри Ховалинг дар давоми ду – се соли охир симои худро ба кулли дигар намуда, маркази он ба шаҳраки зебои замонавӣ табдил ёфтааст.
Вакилони Маҷлиси вакилони халқи ноҳия, соҳибкорон ва дигар шахсони хайрандеш ва дорои имконият дар пайравӣ аз сиёсати инсондӯстонаи Сарвари давлат дар арафаи иду ҷашнҳо ятимону бепарасторон ва дигар шахсони яккаву танҳоро бо таъмини маводи хӯрокворӣ ва маблағҳои пулӣ дастгирӣ менамоянд.
Вакили Маҷлиси вакилони халқи ноҳияи Ховалинг, Одина Каримов яке аз онҳоест, ки дар иҷрои сиёсати ятимпарварона ва инсондӯстонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эомалӣ Раҳмон мунтазам саҳмгузорӣ менамояд.
Амали хайрхоҳонаи вакили мардумӣ Одина Каримов, ки дар арафаи иди сайиди Қурбон ба анҷом расонид, шоистаи таҳсин ва боиси дастгирии дигарон аст. Ӯ ба 25 нафар шахсони ниёзманд – беморони бистарӣ, маъюбони модарзод, шахсони бепарастори яккаву танҳо аз оилаҳои камбизоат кумаки худро дареғ надоштааст.
Ҳамаи онҳое, ки соҳиби туҳфаи идона гардиданд, дар ҳаққи Пешвои миллат, Президенти Ҷумҳурии Тоҷикистон, Раиси ҲХДТ муҳтарам Эмомалӣ Раҳмон ва вакили Маҷлиси вакилони халқи ноҳия Каримов Одина дуои нек намуда, аз чунин дастгирӣ изҳори миннатдорӣ карданд.
