КӮЛОБ. Дар доираи Соли шинохти бештари манфиатҳоии миллӣ. Вобаста ба ҷадвали тасдиқнамудаи Кумитаи иҷроияи ҲХДТ дар шаҳри Кӯлоб дар ташкилотҳои ибтидоии ҳизбӣ вобаста ба масъалаҳои мубрами рӯз мулоқотҳо доир гардида истодааст.
Нахуст, мулоқот бо иштироки муовини раиси Кумитаи иҷроияи ҲХДТ дар шаҳри Кӯлоб Фирӯзи Саидмуъмин дар ташкилоти ибтидоии ҳизбии "Ваҳдат" баргузор гардид. Зимни мулоқот иброз гардид, ки асоси пирӯзиҳои таърихии Пешвои миллат муҳтарам Эмомалӣ Раҳмон ҳифзи арзишҳои миллӣ ва барномаҳои дақиқу созандаи ӯст, ки бо нерӯву иродаи бузурги ватанхоҳиву ватандорӣ дар сатҳи сиёсати давлатӣ барои эҳёи иқтидори маънавии тоҷикон ҳама восита ва заминаҳоро муҳайё сохт. Ҳамин сиёсати хирадмандона буд, ки Тоҷикистонро аз буҳрони амиқи сиёсӣ берун овард.
Дар охир ба иштирокчиён хотиррасон намуданд, бо дастгириҳои Сарвари давлат аз ҷониби ҷомеаи башарӣ дида мешавад, ки нуфуз ва манзалати мардуми тоҷикро дар арсаи ҷаҳонӣ боз ҳам баланд бардошт ва имрӯз Тоҷикистонро ҳамчун давлати соҳибистиқлол мешиносанду эътироф мекунанд.
