ФАРХОР. Дар доираи Соли шинохти бештари манфиатҳои миллӣ. Бо мақсади амалӣ намудани дастуру супоришҳои мақомоти болоии ҳизб оид ба пешгирии паҳншавии бемории COVID-19 ва самаранок истифодабарии заминҳои наздиҳавлигӣ масъулини Кумитаи иҷроияи ҲХДТ дар ноҳияи Фархор бо усули “хона ба хона” дар маҳаллаҳои Ҷамоати шаҳраки Фархор чорабинии ҳизбӣ доир намуданд.
Масъулин дар суҳбат оид ба пешгирии ин вабо чунин ибрози андеша намуданд, ки роҳи беҳтарини пешгирӣ ва суст кардани паҳншавии вируси COVID-19, ин маълумоти саҳеҳ ва мукаммал оид ба ин беморӣ доштан аст. Худ ва дигаронро аз сироят ёфтан ҳифз намуда, дар ин давра қоидаҳои гигиенӣ зарур мебошад. Ҳамзамон, ба аҳолӣ маводҳои таблиғотӣ, ниқобҳои тиббӣ ва маводҳои безараргардонӣ тақсим карда шуд.