НОРАК. Дар доираи Соли шинохти бештари манфиатҳои миллӣ. Вобаста ба амалӣ намудани дастуру супоришҳои Роҳбарияти олии ҲХДТ оид ба вазъи ноустувори ҷаҳони муосир дар шароити шиддат ёфтани бемориҳои сироятӣ, ҷиҳати истифодаи самараноки ҳар порча заминҳои наздиҳавлигӣ ва ба истифода даровардани заминҳои бекорхобида, дар шаҳри Норак корҳои назаррас анҷом ёфта истодаанд.
Дар рафти вохӯрӣ ба аҳолӣ ҷиҳати пешгирӣ аз ин беморӣ варақаҳои иттилоотӣ ва ниқобҳои тиббӣ тақсим карда шуда, таъкид гардид, ки риояи гигиенаи шахсӣ асоси роҳи пешгирии дилхоҳ бемории сироятӣ мебошад, аз ин хотир ҳар яки моро зарур аст, ки гигиенаи шахсиро риоя намуда, худ ва наздиконамонро аз ҳама гуна бемориҳои сироятӣ эмин нигоҳ дорем.
Сокинони шаҳри Норак бо дарки баланди масъулият ҳар ваҷаб заминҳои наздиҳавлигии худро самаранок истифода намуда, бо мақсади ба даст овардани ҳосили фаровон кӯшиш намуда истодаанд. Инчунин, аз ҳосили ба даст овардаи худ барои захира ва зимистонгузаронӣ консерваҳо аз помидору бодиринги рӯёнидаашон омода намуда истодаанд.
