МУЪМИНОБОД. Дар доираи Соли шинохти бештари манфиатҳои миллӣ. Бо ибтикори шуъбаи кор бо ҷавонон ва занони Кумитаи иҷроияи ҲХДТ дар ноҳияи Муъминобод дар якҷоягӣ бо бахши кор бо ҷавонон ва варзиши ноҳия дар толори маҷлисгоҳи Шуғли аҳолӣ оид ба пешгирии бемории сироятии короновирус мизи мудаввар доир гардид.
Дар нишасти мазкур мудири шуъбаи кор бо занон ва ҷавонони Кумитаи иҷроия Алишери Амрохон, мудири бахши кор бо ҷавонон ва варзиши ноҳияи Муъминобод Раҷабов Абдулло, сардухтури маркази Санитари эпидемиологӣ Назаров Сафар ва аъзои маҳфили волонтёрони назди Кумитаи иҷроияи ҲХДТ дар ноҳия ва намояндагии ТҶҶ «Созандагони Ватан» дар ноҳияи Муъминобод иштирок дошта, вобаста ба масъалаҳои мубрами рӯз андешаронӣ карданд.