КӮШОНИЁН. Дар доираи Соли шинохти бештари манфиатҳои миллӣ. Дар муассисаи давлатии мактаби варзиши ноҳияи Кӯшониён бо иштироки кормандони Кумитаи иҷроияи ҲХДТ дар ноҳияи Кӯшониён вохӯрӣ доир шуд.
Кормандони ҳизб, дар чорабинӣ оид ба истифодаи оқилонаи ҳар як ваҷаб замин, пешгирӣ аз паҳншавии коронавирус, ихтиёрӣ ҷалб кардани ҷавонони синни даъватӣ ба сафи Қувваҳои мусаллаҳи Ҷумҳурии Тоҷикистон, эҳё ва рушди ҳунарҳои мардумӣ ва эҳтироми либоси миллӣ суханронӣ карданд.
Ҳамзамон, барои воқиф намудани иштирокдорони маҷлис аз ҷониби кормандони Кумитаи иҷроияи ноҳиявии ҳизб маводҳои таблиғотӣ оид ба пешгирии бемории коронавирус ва тарзи дурусти истифодабарии заминҳои кишоварзӣ тақсим карда шуд.
