ХОВАЛИНГ. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Ховалинг бо мақсади ҳифз намудани саломатии шаҳрвандон дар ҳамдастӣ бо волонтёрони назди Кумитаи иҷроияи ҲХДТ дар ноҳия дар ҷойҳои ҷамъиятиву кӯчаву маҳаллаҳо ва бозори марказии ноҳия корҳои оммафаҳмонӣ гузаронида истодааст.
Дар ин вохӯрӣ мудири шуъбаи кор бо ҷавонон ва занони Кумитаи иҷроияи ҲХДТ дар ноҳия И.Саидмаҳмудов иброз дошт, ки барои пешгирӣ аз ин бемории хавфноки коронавирус гигиенаи шахсии худро риоя намоянд ва дар вақти пайдо шудани нишонаҳои ин беморӣ ба духтури минтақавии худ муроҷиат кунанд.
