ВОСЕЪ. Дар доираи Соли шинохти бештари манфиатҳои миллӣ. Бо мақсади бурдани корҳои фаҳмондадиҳӣ ҷиҳати пешгирӣ аз бемории сироятии коронавирус кормандони Кумитаи иҷроияи ҲХДТ дар ноҳияи Восеъ иқдоми навбатии хешро ба роҳ монда, дар маҳаллаи ба номи А.Мирзоеви Ҷамоати шаҳраки Ҳулбук вохӯрӣ баргузор намуданд.
Масъулин зимнан дар бораи масъалаҳои пешгирии бемории сироятии Covid-19, риояи қатъии қоидаҳои санитарӣ, гигиенаи шахсӣ ва амалҳои дигари пешгирикунандаи бемориҳои сироятӣ ва истифодаи самараноки замин андешаронӣ карда, қайд намуданд, ки ба меҳнати софдилона машғул гардида, баҳри таъмини оилаи худ бо маҳсулотҳои тару тоза заминҳои наздиҳавлигӣ ва Президентиву хоҷагиҳои деҳқониро самаранок истифода намоянд. Ҳамчунин ба шаҳрвандон вобаста ба масъалаҳои баррасигардида, маводҳои таблиғотӣ дастрас карда шуд.
