ДАНҒАРА. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Данғара барои мусоидат намудан дар таъмини амнияти озукаворӣ ва истифодаи самараноки заминҳои корам, ба роҳ мондани кишти такрорӣ бо сокинони деҳаи Баҳори Ҷамоати деҳоти Оқсу вохӯрӣ баргузор намуданд.
Дар мулоқот масъулин оид ба истифодаи пурсамари ҳар як ваҷаб замини корам, гирифтани ду- се ҳосил дар як сол аз заминҳои ҳосилашон хуб бароҳ монда, рақобатпазир будани маҳсулоти кишоварзӣ дар бозорҳо, таъмини оила бо маҳсулотҳои кишоварзӣ маслиҳатҳо доданд.
