ЛЕВАКАНТ. Дар доираи Соли шинохти бештари манфиатҳои миллӣ. Мудири шуъбаи кор бо занон ва ҷавонони Кумитаи иҷроияи ҲХДТ дар шаҳри Левакант Ибодуллоева Нуринисо дар якҷоягӣ бо кормандони Кумитаи иҷроияи шащрӣ дар деҳаи Гулистони Ҷамоати деҳоти Гулистон аз рӯйи усули “хона ба хона” бо 63 нафар занҳои хонанишин суҳбату мулоқотҳо доир намуда, вобаста ба пешгирии паҳншавии бемории коронавирус корҳои фаҳмондадиҳӣ бурданд.
Масъулини Кумитаи иҷроия талош доранд, ки тариқи баргузории чунин суҳбатҳо ва тақсимоти маводҳои иттиллотӣ сатҳи огоҳии занҳоро боло бардоранд, чунки пешгирии бемориҳои сироятӣ аз бисёр ҷиҳат аз сатҳи огоҳии занон вобастагӣ дорад.
