ЛЕВАКАНТ. Дар доираи Соли шинохти бештари манфиатҳои миллӣ. Вобаста ба пешгирии бемории сироятии коронавирус дар кӯчаи Истиқлоли шаҳри Левакант бо иштироки намояндагони Кумитаи иҷроияи ҲХДТ дар шаҳр, оид ба пешгирии бемориҳои сироятӣ корҳои фаҳмондадиҳӣ гузаронида шуд.
Кормандони ҳизбӣ дар вохӯриву суҳбатҳо оид ба чӣ гуна пешгирӣ намудани бемориҳои сироятӣ, риояи гигиенаи оилавӣ, худ ва дигаронро ҳифз намудан аз бемории сироятии коронавирус тавсияҳо дода, ҳамзамон ба сокинон маҳлулҳои антисептикӣ, варақаҳои тарғиботӣ оид ба пешгирӣ аз паҳншавии бемории сироятии коронавирусро тақсим карданд.
