ФАРХОР. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Фархор дар якҷоягӣ бо волонтёрон ва аъзои намояндагии ТҶҶ “Созандагони Ватан” оид ба пешгирии паҳншавии пандемияи нави коронавируси COVID-19 ва самаранок истифодабарии заминҳои наздиҳавлигӣ бо усули «хона ба хона» дар маҳаллаҳои Ҷамоати шаҳраки Фархор чорабинии ҳизбӣ доир намуданд.
Кормандони ҳизбӣ ба сокинон маводҳои таблиғотӣ оид ба пешгирии коронавирус, истифодаи самараноки заминҳои наздиҳавлигӣ, ниқобҳои муҳофизатӣ ва маводҳои безараргардонӣ тақсим намуд, тавсияҳои табибонро оид ба пешгирии коронавирусро ба сардорони оилаҳо ба таври муфассал шарҳ доданд.
