КӮЛОБ. Дар доираи Соли шинохти бештари манфиатҳои миллӣ. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба истифодаи самараноки ҳар қитъаи замин ва ба истифода даровардани заминҳои бекорхобида,ташкили кишти зироатҳои кишоварзӣ, аз ҷумла кишти такрорӣ, ҷамъоварии ҳосили баланд ва захираи он дар шаҳри Кӯлоб корҳои назаррас амалӣ шуда истодаанд.
Дар ин замина сокинони маҳаллаи ба номи Умари Хайём ҳар қитъаи замини худро самаранок истифода бурда, бо мақсади ба даст овардани ду- се ҳосил аз як замин пайваста талош меварзанд. Масъулини Кумитаи иҷроияи ҲХДТ дар шаҳри Кӯлоб аз заминҳои корами сокинон дидан намуда, онҳоро ба меҳнати софдилона дилгарм сохтанд.
