ФАРХОР. Дар доираи Соли шинохти бештари манфиатҳои миллӣ. Дар асоси дастуру супоришҳои мақомоти болоии ҳизб оид ба пешгирии паҳншавии бемории коронавирус ва самаранок истифодабарии заминҳои наздиҳавлигӣ кормандони масъули Кумитаи иҷроияи ҲХДТ дар ноҳияи Фархор дар яҷоягӣ бо волонтёрон бо усули "хона ба хона" дар маҳаллаҳои Ҷамоати шаҳраки Фархор корҳои фаҳмондадиҳиро ба роҳ монданд.
Ҳамзамон, аз тарафи масъулин ба оилаҳои ниёзманд ниқобҳои яккаратаи тиббӣ, маводҳои безараргардонӣ ва варақаҳои таъкидӣ тақсим карда шуд. Масъулин зимни суҳбат иброз доштанд, ки саломатии ҳар яки мо дар дасти худи мост аз ин рӯ мебояд ба қоидаҳои гигиенӣ риоя кард.
Инчунин, оид ба самаранок истифодабарии заминҳои наздиҳавлигӣ бо сардорони оилаҳо суҳбат доир карда шуд.
