КӮЛОБ. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар шаҳри Кӯлоб ҷиҳати пешгирии бемории хавфнок ва гузарандаи Коронавирус дар ташкилотҳои ибтидоии ҳизбӣ корҳои фаҳмондадиҳӣ гузаронида истодаанд.
Чунин мулоқот дар дар ташкилоти ибтидоии “Фирдавсӣ” бо иштироки масъулини Кумитаи иҷроияи ҲХДТ дар шаҳри Кӯлоб гузаронида шуд. Насим Саидов мудири шуъбаи кор бо ҷавонони Кумитаи иҷроияи ҲХДТ дар шаҳри Кӯлоб ҳангоми баргузории Аксия ба саъми шаҳрвандон расонид, ки агар мо бихоҳем, ки худ ва наздикони худро аз ин беморӣ ҳифз намоем, моро зарур аст, ки тавсияҳои созмонҳои умумиҷаҳонии тандурустиро ба монанди дастонро пайваста бо собун ва оби гарм шустан, аз даҳонбанд (маска) истифода бурдан, бе зарурат ба ҷойҳои серодам нарафтан ва дигар талаботҳои беҳдоштиро риоя намуда, саломатии худ ва ҷамъиятро ҳифз намоем.
