ХОВАЛИНГ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Ховалинг барои пешгирии бемории коронавирус ҳамарӯза корҳои тарғиботиву ташвиқотиро миёни аҳолӣ ва корҳои безараргардониро баргузор карда истодаанд. Онҳо дар баробари ба роҳ мондани корҳои фаҳмондадиҳӣ бо қувваи вакилон, соҳибкорон ва дигар шахсони хайрхоҳ дар ҷойҳои ҷамъиятӣ ва шаҳраку деҳа чорабиниҳои безараргардониро амалӣ месозанд. Чунин чорабинӣ бо саҳми соҳибкорон дар бозори колхозӣ гузаронида шуда, гузаронидани корҳои безараргардониро минбаъд дар деҳаву маҳаллаҳо низ дар нақша доранд.
