ТЕМУРМАЛИК. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Темурмалик бо кормандони техникии муассисаи таҳсилоти миёнаи умумии №8 - и Кангурти Ҷамоати деҳоти Кангурт бо мақсади бархурдор намудан ва пешгирии бемории сироятии коронавирус мулоқот баргузор карданд.
Дар мулоқот раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид иштирок дошта, иброз дошт, ки солимии ҷомеа, пойдории давлат аст, пас моро бармеояд, ки худ ва ҷомеаро аз бемории сироятии коронавирус бо риояи қоидаҳои беҳдоштӣ эмин нигоҳ дорем.
Дар анҷом ба иштирокчиён муроҷиатномаи ҲХДТ, варақаҳои иттилоотии истифодаи самараноки заминҳои кишоварзӣ ва ниқобҳои муҳофизатӣ барои пешгирии бемории сироятии коронавирус дастрас карда шуд.
