ДАНҒАРА. Дар доираи Соли шинохти бештари манфиатҳои миллӣ. Самаранок истифода бурдани ҳар як ваҷаб замин масъалаест, ки аз дастуру супоришҳои Президенти мамлакат муҳтарам Эмомалӣ Раҳмон сарчашма мегирад. Ҳамин аст, ки кормандони Кумитаи иҷроияи ҲХДТ дар ноҳияи Данғара низ ба ин масъалаи муҳим таваҷҷуҳи хоса зоҳир менамоянд.
Дар ин замина масъулини Кумитаи иҷроияи ҲХДТ дар ноҳияи Данғара аз заминҳои наздиҳавлигии сокинон дидан намуда, иброз намуданд, ки дар асоси дастуру супоришҳои Сарвари давлат муҳтарам Эмомалӣ Раҳмон мо бояд заминро мақсаднок истифода барем ва барои беҳтар шудани сатҳи зиндагии худ ва дигарон саҳми босазо гузорем.
