БАЛҶУВОН. Дар доираи Соли шинохти бештари манфиатҳои миллӣ. Корҳои тарғиботиву ташвиқотӣ, фаҳмондадиҳӣ оид ба пешгирии бемории сироятии навъи коронавирус, истифодаи самараноки қитъаи замин ин навбат кормандони Кумитаи иҷроияи Ҳизби Халқии Демократии Тоҷикистон дар ноҳияи Балҷувон бо усули «хона ба хона»-ро дар Ҷамоати деҳоти ба номи Сайф Раҳимов ба роҳ монданд.
Дар рафти чорабинӣ ба сокинон доир ба пешгирии ин вируси хатарнок тавсияҳои муфид пешниҳод гардида, иброз дошта шуд, ки саломатӣ гавҳари бебаҳо буда, бояд онро ҳифз намуд. Ҳангоми мушоҳидаи беморӣ фавран ба табибон муроҷиат карда, ба худмуолиҷа роҳ надиҳанд. Ҳамзамон, зимни суҳбат оид ба истифодаи самараноки заминҳои ёрирасон ва истифодаи заминҳои наздиҳавлигӣ тавсияҳои судманд дода шуд.
