А.ҶОМӢ. Дар доираи Соли шинохти бештари манфиатҳои миллӣ. Таҳти раёсати раиси Кумитаи иҷроияи ҲХДТ дар ноҳияи Абдураҳмони Ҷомӣ Муҳаммаддовуд Ҳалимов, бо иштироки бевоситаи узви Раёсат, аъзои Кумитаи иҷроияи вилоятӣ ва ноҳиявии ҲХДТ, раиси ноҳия Саиди Ёқубзод, маҷлиси васеъи Кумитаи иҷроияи ҲХДТ дар ноҳияи Абдураҳмони Ҷомӣ баргузор гардид.
Дар кори он аз 9 нафар аъзои Раёсати Кумитаи иҷроия 8 нафар, инчунин ҳамаи раисону коргузорони ташкилотҳои ибтидоии ҳизбӣ иштирок намуданд.
Дар маҷлис аз рӯи танҳо як масъалаи рӯзнома оид ба муташаккилона ташкил намудани нақшаи обуна ба рӯзномаҳои ҳизбии “Минбари халқ” ва “Ҳамрози халқ” баррасӣ карда шуд.
