ДАНҒАРА. Дар доираи Соли шинохти бештари манфиатҳои миллӣ. Кормандони Кумитаи иҷроияи Ҳизби Халқии Демократии Тоҷикистон дар ноҳияи Данғара бо усули “хона ба хона” оид ба самаранок истифодабарии замин дар Ҷамоати деҳоти Оқсу миёни сокинон мулоқот анҷом доданд. Дар рафти вохӯрӣ масъулин ба тарзи истифодабарии заминҳои наздиҳавлигии сокинони Ҷамоати мазкур баҳои баланд дода, зикр намуданд, ки таҷрибаи чунин кишоварзон бояд дар тамоми минтақаҳои ноҳия роҳандозӣ карда шавад. Зеро вазъи имрӯзаи ҷаҳони муосир тақозо менамояд, ки сокинон ба масъалаи таъмини амнияти озуқаворӣ эътибори махсус зоҳир намуда, ҳар порча заминро самаранок истифода баранд.
