ВОСЕЪ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Восеъ оид ба самаранок истифодабарии замин ва пешгирӣ аз хавфу хатари коронавирус бо усули “хона ба хона” дар деҳаи ба номи Ҳ.Қурбони Ҷамоати деҳоти Тугарак корҳои фаҳмондадиҳӣ доир намуданд.
Масъулин ба сокинон оид ба пешгирии бемории сироятӣ коронавирус ва самаранок истифода бурдани заминҳои наздиҳавлигӣ тавсияҳо дода, иброз намуданд, ки ҳар яки мо бояд дастаҷамъона муқобили ин беморӣ мубориза бурда, бо кишт намудан ва гирифтани ҳосили дилхоҳ, ки ба баланд бардоштани иқтисодиёт ва шароити хуби зиндагӣ мусоидат менамояд, саҳмгузор бошем.
