ВОСЕЪ. Дар доираи Соли шинохти бештари манфиатҳои миллӣ. Намояндагони Кумитаи иҷроияи ҲХДТ дар ноҳияи Восеъ бо мақсади ба мардум фаҳмонидани хатару оқибатҳои бемории сироятии коронавирус дар деҳаи Анористони Ҷамоати деҳоти ба номи М. Вайсов бо усули «хона ба хона» чорабинии ҳизбӣ доир намуданд.
Дар рафти вохӯрӣ ба сокинон ҷиҳати пешгирӣ аз ин беморӣ варақаҳои иттилоотӣ ва ниқобҳои тиббӣ тақсим карда шуда, дар бораи роҳҳои гузариши бемории коронавирус (COVID-19) ва роҳҳои пешгирӣ аз он маълумоти муфассал дода, таъкид гардид, ки ба риояи гигиенаи шахсӣ диққати асосӣ диҳанд ва қоидаҳои тозагии хонаву лавозимоти рӯзгордориро риоя намоянд.
