ҶАЙҲУН. Дар доираи Соли шинохти бештари манфиатҳои миллӣ. Бо мақсади пешгирии бемории сироятии короновирус ва истифодаи самараноки замин дар маҳаллаи Зарнисор 2-и Ҷамоати шаҳраки Дӯстӣ вохӯрии ҳизбиён бо усули “хона ба хона” баргузор гардид.
Дар раванди вохӯриҳо масъулин ба шаҳрвандон таъкид доштанд, ки рӯзҳои охир бемории сироятии вируси навъи "COVID-19" дар Ҷумҳурии Тоҷикистон коҳиш ёфта бошад ҳам, мо бояд ба беэҳтиётӣ роҳ надиҳем, қоидаҳои беҳдоштиро риоя намоем, чунки афзоиш ёфтани ин беморӣ аз эҳтимол дур нест. Ҳамчунин, дар идомаи чорабинӣ масъулин ба сокинон таъкид доштанд, ки заминҳои вобасташударо самараноку оқилона истифода баранд.
