ХУРОСОН. Дар доираи Соли шинохти бештари манфиатҳои миллӣ. Бо иштироки кормандони масъули Кумитаи иҷроияи Ҳизби Халқии Демократии ноҳияи Хуросон дар маҳаллаи ба номи Соҳибназаров бо мақсади пешгирии бемории коронавирус ва истифодаи самараноки заминҳои кишоварзӣ бо усули “хона ба хона” чорабинии ҳизбӣ роҳандозӣ гардида, дар он масъулин вобаста ба масъалаҳои мубрами рӯз фикру андешаҳои хешро баён дошта, ҳамагонро ба истифодаи самараноки замин, риояи гигиенаи шахсӣ, пӯшидани ниқобҳои тиббиро тавсия доданд. Сипас, варақаҳои таблиғотии ҳизбӣ вобаста ба истифодаи самараноки замин ва риояи қоидаҳои беҳдоштӣ ба хотири пешгирӣ аз бемории сироятии коронавирус тақсим карда шуд.
