ДӮСТӢ. Дар доираи Соли шинохти бештари манфиатҳои миллӣ. Бо мақсади боз ҳам ҷоннок кардани корҳои ободонию созандагӣ, бахшида ба ҷашни пурифтихори давлату миллат 30-солагии Истиқлолияти давлатӣ, соли нави хониш бо дастгирии аъзои гурӯҳи вакилии ҲХДТ дар Маҷлиси вакилони халқи ноҳияи Дӯстӣ ва падару модарон Аксияи ҳизбии «Якҷоя месозем!» роҳандозӣ гардида, фарш ва дару тирезаҳои муассисаи таҳсилоти миёнаи умумии №18 азнавсозӣ ва рангубор карда шуданд. Корҳои ободониву созандагӣ дар ин самт идома дошта, масъулин ният доранд, муассисаи таълимиро аз таъмири хушсифати замонавӣ бароварда, барои таълимгирандагони ин даргоҳи маърифат шароити хуби таҳсил фароҳам биёранд.
